شاهد عيان على بلطجية الرئيس مرسي أمام المنطقة الشمالية العسكرية
ما ننشره دون تدخل منا هو شهادة شاهد عيان كما يرويها وكما توثقنا منها حضر وقائع المعركة التى دبرها الرئيس محمد مرسي مستعينا بالبلطجية لإجهاض أي تحرك على الأرض ضد حكمه الفاشي وضد كل من يقف في وجه مخطط الإخوان لتقسيم مصر ونحن نعرض الشهادة دون تدخل منا ونترك لكم الحكم على هذا الرئيس
نص الشهادة
اولا السلام عليكم
وصلت للمنطقة الشمالية بالأسكندرية بعد صلاة الجمعة للمشاركة بثورة 24 أغسطس ضدد هيمنه وسيطرة الحزب الوطني الجديد " الاخوان المسلمين " علي كل مؤسسات الدولة
ومن اجل تحقيق مطالب منها
1-التحقيق في تمويل الأخوان المسلميين
2- التحقيق في مقتل شهداء رفح
3-التحقيق في فتح المعابر
4- مشكلة البطالة
5-مشكلة الحد الأدني للاجور
6- اطلاق صراح الأرهابيين
7-حل جماعة الاخوان المسلميين ذات نفسها مع ان قرار حلها صدر من ايام الملك فاروق !
8-مشكلة اني النور بيتقطع كل يوم
9-مشكلة الميا الي بتتقطع ..ومالوا مش عيب
10-مشكلة الوجبات الجاهزة لغزة !
مع ان الي يحتاجه البيت يحرم علي الجامع
وفي مطالب كتير
شارك معانا عدد من المواطنيين منهم
- ثوار 25 يناير " الحقيقيين "
- مؤيدين حمدين صباحي
- مؤيدين احمد شفيق
- وكان في واحد لابس تي شيرت عليه " حــــــــــازمون " !؟
- وفي فلول برضوا معانا :)
- ناس ملتحيين بس ضد تصرفات الاخوان
العدد كان مشرف ويؤكد ان في ناس مصرة علي المطالبة بحقوقها المشروع مش عايزه تنام وتقول خلاص كلها 20 سنة ويرحل النظام ده .. مش حتسمح لأهلها شعرهم يشيب عشان يشوفوا نهضة .. وكان في لافتات " يسقط حكم المرشد " وصور شهداء رفح " وصور الحاج مرسي من هيلاري كلينتون " ..ولافتات مطالبة بحقوق مشروعة
في حوالي الساعة 5:00 تقريبا جم مجموعة عناصر غالبا من الأخوان مكنتش متأكد ساعتها عايزين يمشونا !؟ هما عددهم 8 واحنا
تقريبا ألف ألا ويمكن يزيدوا لكن احنا رجعناهم تاني وميشناهم والرجالة الموجودة معانا وقفوا للتصدي ليهم
بعديها صاحبي كان معايا ويعرفهم قالي ان دول اخوان ساكنين في المنطقة الي ساكن فيها رحت معاه للحته الي واقفين فيها ولقيتهم زعلانين اننا بنهتف ضدد مرسي و المرشد وبيقولوا ان دا زي ابونا !؟ وانتوا لازم تصبروا 17 سنة عشان تحقق النهضة !؟
قولتله : طب مش في 100 يوم وكدا
قالي : احنا عارفين مصلحته البلد وانتوا الي مغيبين
قولتله : انتوا مش قولتوا ان الي يجي جمب مقر ليكم هنتضربوه ادينا بعدي عنكم اهم !
قالي : لا انت بتغلطوا كدا في مرسي ودا زي ابويا !
سيبتهم وخلعت رحت الحتي الي واقف فيها لما لقيتهم بيقولوا يلا بينا دول بتوع عكاشة سدوا الشارع
بعديها بوقت لقينهم جاييين بعصيان وسكاكين وجاريين اهلي المنطة معاهم ..الناس الي معانا اتصدوا ليهم وحدفوا عليهم طوب ولقيت مع الناس الي معانا خراطيش صوت و سنج الله اعلم مين الي معانا دول بس عليا الأفل حمونا من الاخوان ولولاهم كنا كلنا اتسحلنا وخصوصا اننا معانا سيدات وبنات واطفال ..سموهم زي ما تسموهم
حصل عراك استمر لمدة ساعة الأ ربع تقريبا حدف بالطوب ومطاردتنا ليهم من شارع المنطقة الشمالية من ناحية ابو قير ومن الشوارع الجانبية
لحد ما لقينا نفسنا بيضرب علينا خراطيش و طلقات مطاطي !؟ وشماريخ
الفيديو ده ممكن يوضح مع انه مش جايب غير الناس الي معايا بس , اما الجيش الاخواني فكان من الناحية التانية مجابش غير اخر طلقات خرطوش وغازاضربت علينا
ركزوا في الفيديو هتلاقوا الناس الي معانا الي قولتلكم عليهم , ووراهم ناس عاديه جدا واقفين ومن ورا خالص كان سيدات واطفال
في ساعتها سبت المكان عشان كانوا جايين علينا كلهم باعداد كبيرة جدا ومعهم الاسلحة دي
والفيديو ده يبين اننا كنا متواجدين امام المنطقة الشمالية وجرينا لما هاجمونا الأخوان من الناحية التاينة بعد الترام من ناحية ابو قير
في ناس من الي كنوا واقفين جمبي جريوا معايا في ناحية البحر وفي ناحية قضيب الترام اما , ورجعت البيت لقيت خبر متقل متظاهرين امام المنطقة الشمالية ووجود اصابات ..بس دا سمعته غير كدا مقدرش اقول عشان كنت سبت المكان
والاهم من كل دا العساكر الي كنا بنهتفلهم كانوا واقفين بيتفرجوا طول الماتش الي شغال .. لفيت من ناحية الترام ورجعت ابو قير تاني لقيت ناس من المرور بتضحك وكأن مفيش حاجة شغالة جوا خالص
بس دا الي حصل وربنا شاهد علي الي قولته
وربنا يستر علي البلد دي بعد اليوم
ليست هناك تعليقات:
إرسال تعليق