مجلة مرفوع من الخدمة

الثلاثاء، 21 فبراير 2012

الفرق بين ملاليم بياعة الفجل ودولارات الشيخ حسان


الفرق بين ملاليم بياعة الفجل ودولارات الشيخ حسان

وحيث كده… فانا دايما باحط الاجمد في دماغي وانطح فيه…بياعة الفجل اشرف من حسان على الاقل بتاكل بالحلال… حد له شوق في حاجة?
بياعة الفجل ما بتطلعش على الفضائيات تقول: وماله لما اشتغل مع امن الدولة مصلحة الدين من مصلحة امن الدولة والعكس صحيح
بياعة الفجل ما بتاخدش 40 الف دولار في الشهر وتقف على المنبر تشتم في العمال الغلابة المرفودين وتقولهم بتعملوا فوضى عشان بيطالبوا بحقهم
بياعة الفجل ما طلعتش يوم 1 فبراير تعيط وتقول روحوا وادوا فرصة للرئيس ولا حرمت الخروج عن الحاكم الظالم


بياعة الفجل ما شهدتش زور قدام الملايين وافترت على الناس في ماسبيرو وادعت انهم بيضربوا الجيش وهم مقتولين من ضهرهم
بياعة الفجل ما عندهاش عربية هامر وقصر في المنصورية وبتطالب الفقرا يصرفوا على العسكر اللي بيقتلنا
بياعة الفجل ما وقفتش على جبل عرفات تقول من خان المجلس العسكري فقد خان الله والرسول
بياعة الفجل ما قالتش على خيرة شباب مصر في محمد محمود وهم بيتقتلوا انهم بلطجيه لما كانت حتطلع العيال من دينها
بياعة الفجل ما راحتش تؤم صفوت الشريف وفتحي سرور وزكريا عزمي في صلاة الميت على السلاب وهي عمرها ما صلت شهيد واحد لحد النهارده
بياعة الفجل ما كانتش جايه حافيه من المنصورة وفجأة بقى عندها قصر وعربيات كل واحدة فيهم بمليون جنيه
بياعة الفجل مالهاش التراس يدافعوا عنها بالخوض في الاعراض وسرقة اكاونتات الناس والافترا عليهم وتلفيق تهم باطلة لهم
بياعة الفجل ست محترمة وبتشتغل شغلانة محترمة وما بتلحسش الجزم عشان تربي كرشهابياعة الفجل بتخاف من ربنا بجد مش بتتاجر باسمه عشان تلم فلوس وتساند الظالم ايا كان
احنا اسفين يا بياعة الفجل
انما ترزقون وتنصرون بضعفائكم… مش بكروش مشايخكم
من رسالة نوارة نجم لـ محمد حسان

0 comments: