ليه الجابون مصعدتش مع انها كسبت الكاميرون 1 صفر وهي والكاميرون وزامبيا 4 نقط يعنى متساويين؟
الاجابة معقدة :
نرجع للمواجهات المباشرة:
الجابون هزم الكاميرون 1 صفر
الكاميرون هزمت زامبيا 3-2
زامبيا هزمت الجابون 2-1
يعنى جميع الفرق هزمت بعض وكده مينفعش القاعدة دي تصعد حد يبقى نعمل ايه؟
الفقرة الثانية في لائحة الاتحاد الافريقي: اذا تعادل فريقين او اكثر في المواجهات المباشرة يتم اللجوء لفارق الاهداف
الكاميرون لها 5 أهداف وعليها 5 يعنى الناتج صفر
زامبيا لها 5 اهداف وعليها 5 يعنى الناتج صفر
الجابون لها 3 اهداف وعليها 3 يعنى الناتج صفر
اتعقدت اكتر
القاعدة التالتة ودون التفاصيل باعتبار تونس معملتش حاجة فيبقى اقصاء نتائج تونس من الفرق الثلاث
(كأن تونس مجتش من تونس )
النتيجة:
زامبيا احرزت 4 هدفين في الكاميرون و2 في الجابون
الكاميرون احرزت 3 اهداف في زامبيا
الجابون احرزت 2 هدف هدف في الكاميرون وهدف في زامبيا
هكذا تصبح زامبيا الأول وتواجه نيجيريا والكاميرون الثاني وتواجه مصر
الحسبة كانت معقدة لكن معلش الاتحاد الافريقي بيكتب لوايحه وهو ضارب نفسين
طب ليه الجزائر صعدت؟
بإختصار شديد: حظ عوالم
ليه حظ عوالم لأن القاعدة في كاس افريقيا بتقول:
الاحتكام إلى قاعدة المواجهات المباشرة، وهو ما رجَّحَ الخضر على مالي، بعد أن تساويا في عدد النقاط رغم تفوق مالي في عدد الأهداف- أن اللوائح المنظمة للبطولة وافقت عليها كل الدول المشاركة
طيب لو كده ما كنا اتأهلنا لكاس العالم على حساب الجزائر من القاهرة
قاعدة كأس العالم مختلفة وبتاخد بفارق الاهداف أولا
يعنى إيه ؟ يعنى الجزائر استفادت من القاعدة في التأهل لكأس العالم واستفادت من عكس القاعدة في التأهل لدور الثمانية لكأس أفريقيا وكل ذلك خلال شهرين
يبقى حظ عوالم ولا لأ؟
طبعا حظ عوالم ده حتى كان عندهم كام ألف عالمة في مصر رحلناهم بعد ماتش السودان..ده خارج عن النص لكن للتذكرة فقط
طيب فيه احتمالات نقابل الجزائر؟
الجزائر حتقابل كوت ديفوار ومصر حتقاب الكاميرون ....فيه احتمال
هل سيضطر لاعبينا الى مصافحتهم في بداية المباراة؟
هو لوائح الاتحاد بتقول لازم لكن أنا شايف منعا لإنتشار الأمراض الجلدية بلاش وان كان لازم فيقى كل لعيب يلبس جوانتى في ايده اليمين
تتوقع إيه للمباراة دي؟
مباراة؟ ده ماتش ملوش علاقة بالكورة وأظن حسن شحاتة لازم يستعين بخبرات فتوات مصر طالما إننا حنلعب مع الفشيخة الجزائر بتاعة بوتفشيخة
شوفوا بقى مش عايزين نخرج عن النص أكتر من كده نستنى ونشوف لكن أنا حامل هم نادر السيد وزكريا ناصف اللي حيحضروا في الحالة دي الاستوديو التحليلي لقناة الجزيرة وبجوارهم واحد وإلا اتنين من ولاد جميلة بوحريد اللى رحمة الله عليه يوسف شاهين عملها بطلة على قفانا ولو معملش الفيلم ده مكانش حد سمع عنها خصوصا اننا منعرفش الجزائر إلا من حريمها اللي زي ال....
كده كارت احمر ...حأطلع بره
ليست هناك تعليقات:
إرسال تعليق