مجلة مرفوع من الخدمة

الثلاثاء، 22 يناير، 2013

نصائح لمن قد يتم إلقاء القبض عليهم أثناء مظاهرات 25 يناير 2013


نصائح لمن قد يتم إلقاء القبض عليهم أثناء مظاهرات 25 يناير 2013

في ما يشبه إلى حد كبير ما مررنا به قبل إندلاع شرارة الثورة المصرية في 25 يناير 2011 بدأت صفحات ثورية على الفيسبوك في نشر نصائح لمن يتم القبض عليهم أثناء مظاهرات 25 يناير 2013 حيث وبالطبع لا يثق الثوار كثيرا في وزير داخلية الإخوان القادم من مصلحة السجون بأوامر من محمد مرسي لذلك وبعد بروفة عنيفة في الإسكندرية كشفت فيها الداخلية عن وجهها الحقيقي بدأت الصحفات الثورية في نشر نصائح يجب أن يتبعها الناشط فور القبض عليه وقالت فيها:


1 - خلى خيار القبض عليك آخر حاجة .. حاول تجرى و تهرب.. من الذكاء الا تعتقل من الأساس

2 - فى حالة التقفيل عليك و لا يوجد طريقة للهروب، استسلم حتى لا تصاب و يحصلك مكروه

3 - اول ماتركب العربية لازم تفهم حاجة واحدة مهمة جدا .. ان فى جيش برة من المحامين و المنظمات و القنوات الفضائية هاتنقل الخبر و هاتدافععنك مهما يحصل

4 - بلاش خوف و فزع اهم حاجة ضبط النفس و الهدوء فى الفترة الاولانية

5 - بعد ما يتقبض على شباب تانى و يبقى عددكم معقول ابتدوا قسموا الادوار .. و اختاروا واحد بس هوه اللى يتكلم بإسم المجموعة و يتفاوض مع ظابط الأمن اللى فى العادة بيكون مش عارف يتصرف

6 - جهز رسالة على تليفونك لاى واحد صحبك يقدر يوصل صوتك ان تم القبض عليك و ابعتها فوريا اول ماتدخل العربية لانهم هاياخدوا الموبيلات بعدها بشوية

7 - اول ما العربية تتحرك ابتدوا اهتفو من الشبابيك لمصر و الحرية و خبطوا على جدران العربية من كل الجهات .. لو بتدفع تمن انك اتظاهرت يبقى عرف البلد كلها ان كان فى حاجة بتحصل و انت فى السكة

8 - فى الغالب العربية هاتلف على اماكن كتير لحد ما يوصلها تعليمات .. ماتنشغلش العربية رايحة فين لأن اللى برة كلهم عارفين مكانك هايبقى فين و هايتوجهوا عليه قبليك علشان يبتدوا اجراءات الدفاع عنك و اخراجك

9 - فى حالة انك عايز تقضى حاجتك .. فى ازايز او اكياس هاتلاقيها كدة كدة فى العربية .. و الحل الاحسن انك تعملها تحت عقب الباب على برة علشان تقرف الامن اللى قاعدين فى خلفية العربية

10 - نظم الوقت ما بين الهتاف من الشبابيك و مابين الخبط و مابين لحظات الهدوء اثناء التفاوض

11 - لازم و أنت بتتفاوض تفهم الظابط ان كل المنظمات الحقوقية و الاعلام برة عارفة انتوا فين وانكوا اتقبض عليكوا

12 - أكثروا من الغناء الوطنى لرفع المعنويات .. و خصوصا للناس اللى هايتقبض عليها غلط هايبتدوا ينهاروا و دة دور اللى فاهميين يعرفوهم و يفهموهم

13 - فى حالات هايتم فيها إلقاء المقبوض عليهم فى الصحراء مجموعات بعد ما يكونوا اخدوا بطاريات الموبيلات .. فى كل مكان.. هاتلاقى مواصلات ماتقلقش قول للسواقين على الطريق انك كان مقبوض عليك و اطلب منهم انهم يوصلوك

14 - اهم حاجة متفقدش الروح .. اليوم دة سبقه ايام كتير الناس نزلت فيه علشان بلدها وانت مش اقل منهم و تضحيتك مش اقل من تضحيتهم .. خطوة على خطوة هانوصل

0 comments: